Aja Ming Sambat

Uripmu ki sakjane kepiye ta?

Karepmu ki sakjane apa ta?

Sing mbok karepke ki apa?

Dhuwit akeh...?

Klambi apik-apik...?

Omah magrong-magrong...?

Bojo sing rupane ayu...?

Urip penak...?

Enom foya-foya...?

Sukses...?

Tuwa urip mulya...?

Mati mlebu suwarga...?

Kowe ki tau ndelokke rupamu apa ora?

Tau mikirke polahmu apa ora?

Mbok deloken, sing mbok lakoni kuwi wis apik durung...

Mbok rasakke, kelakuanmu kuwi nggriseni liyan apa ora...

Gaweanmu sumbut karo sing wis mbok karepke apa ora...

Mbok aja sithik-sithik sambat

Pikiren tujuanmu karo usahamu

Pikiren sing wong liya rasakke

Aja ming mikirke awakmu dhewe

Urip nang Jawa kuwi asase bebrayan

Tulung-tinulung tekan tujuan

Ngormati tangga teparo

Gugur gunung ngenthengke gawean

Kowe kudu obah metu kringet nggo golek urip

Ora ming nyalahke kahanan

Mikir piye carane golek mangan

Kelakuanmu kuwi wis ketinggalan jaman

Kowe reti aretine sambat ta?

Ya kelakuanmu kuwi sering sambat!

Mulai saiki dikurangi

Tambahi usahane nggo nguripi awakmu

Tambahi nggonmu bersyukur

Tulungi brayanmu sing mbutuhke

Dadiya wong sing migunani tumraping liyan...